ساس الكرم والجود والحنكة وطيب معدنه

يامرحبا اعداد ماهل الرشاش من السحاب
واعداد ماجاله بروق وجاء لرعده دندنه
واعداد من كبر ومن يلقي على المنبر خطاب
واعداد من طب الحرم وعداد من يطلع منه
من بعدها بطرق بيوت الشعر واجيب العذاب
واجيب لولوه ومرجانه وعذبه واحسنه
في حاكم الحكام صلب الراس لين في الجناب
يالشعر نوخ راحلتك وقول وش تعرف عنه
اعرف طويل العمر حر ماكره روس الهضاب
ساس الكرم والجود والحنكه وطيب معدنه
ماجور يامير الوفاء يالشهم حلال الصعاب
واللي حصل طهور باذن الله وتسلم لي منه
ادعي لكم ياسيدي عسى دعايه مستجاب
يالله من الاقدار والامراض ياربي صنه
سلمان حاكم نجد رمز المجد فكاك الرقاب
ياما بذل جهده ووفر كل حاجه ممكنه
يبذل جهوده كلها للشعب من دون احتساب
مايبذله لجل الوطن والدين يجزى بحسنه
وانته فخرنا ياطويل العمر من شيب وشباب
ماكنك الا الماء القراح اللي محد يروى منه
يابن الحكيم اللي حكم بالسيف مصقول النصاب
وأرسى قواعدها وشرع الله عليهم بينه
والحكم ماجاء الا بسيف وشلف ورماح وحراب
لين استقر الحكم والقاسي معزي لينه
واشباله الوافين تمشي ما مشاه ولا تهاب
والكل منهم في مهمه واللزوم يعينه
عساه للجنه ويجزاه الوالي حسن الثواب
عساه مع صحب النبي يوم النشور نعينه
والله مشرفنا بمكه والمدينه والكتاب
والحكم لله ثم في يدين المعازيب رسنه
والشعب في عيش ورغد كل تهنا بالشراب
يحس بالامان والراحه بنومه وسكنه
سعد بن عديس العتيبي