وطن السلام

سلام الله على دار ٍ لها بين الدول مقدار
لها مجد ٍ به التاريخ سطر بيض صفحاته
ينومسنا ونفخر به وعشنا في حماه أحرار
يشرفنا وطنا ونتشرف في قياداته
سلام الله سلام ٍ من خفوق ٍ لج بالأشعار
بعد هاضت قريحة شاعره وأستحضر أبياته
دعى جزل المعاني وأقبلن والبيوت بكار
نسج من جزلهن مافوت المعنى ولافاته
بعد مأستحضرن له وأحضرن يامعشر الشعار
يبي يأخذ ويعطي بالقصيد وفي ملذاته
وعلى حب الوطن يبدأ السبق والخيل بالمضمار
وأنا وأنتم نحث الشعر في مجده وطالاته
وطنا ياوطن مهد الرسالة موطن المختار
نبي الله وخاتم بالبشر آخر رسالاته
عليه أبدأ صلاتي والسلام أكرره تكرار
عدد من طاف بالبيت العتيق وفي مساحاته
وأثني بالصلاة وبالسلام لصحبه الأخيار
على كل الصحابه من ولي العرش مرضاته
ومن بعده نبي نبدأ الكلام ونقطف الأزهار
نشكل بالقصيد أبهى صور تعبير من ذاته
على يوم الوطن ومناسبة يوم الوطن والدار
نبارك للقيادة والوطن بأسمى شعاراته
وطن أمن وسلام وموطن الأبرار والأنصار
وطن هدي النبوة والأخوة في محيطاته
وطن عبدالعزيز اللي على المله بناه جدار
بعد ما أسس أركانه حمى كل إتجاهاته
على نهج البطل واصل سعود وفي طريقه سار
بدأ عهد الرخى يورق ويثمر في بداياته
وطن فيصل وخالد والفهد وأخوانه الأبرار
وطن عبدالله اللي سيره بأحلى مساراته
وطن سلطان أبو خالد حكيم الرأي والمغوار
ولي العهد ربي يحفظه ويجير خطواته
وطن شعب ٍ يباهي بالمليك ويلفت الأنظار
وصل لأعلى مقامات الشرف بأرقى علاقاته
عسى الله يحفظ اللي للمعالي كمل المشوار
سعى في عزنا والمجد دايم في طموحاته
أبو متعب لنا ذخر وذرى نفديه بالأعمار
نسوق العمر دونه لازهمنا في قراراته
نصون الدين وحدود الوطن ونجابه الأشرار
نبرهن للملأ كيف السعودي عند وقفاته
عبدالله الطريسي