يافرحة الصقار بقفايت الصيف

يافرحة الصقار بقفايت الصيف
ونقل الحرار اللي ينومس هددها
هب البراد وقالو سهيل قد شيف
واهل الولع قامت تجمع اعددها
يبون مقناص(ن) بعدين(ن) عن السيف
صقارت(ن) كل(ن) طيوره جردها
ربع(ن) قروم ولاتحسب التكاليف
مستانسين اناست(ن) مابعدها
يازين شبت نارهم والسواليف
والبعد عن روتينها مع نكدها
واول بكور الوسم جاء له ترافيف
ماينفصل براقها من رعدها
من الساحل الغربي ل حرة طريف
ومن الجنوب الى النفود وقعدها
سيله مع الوديان جايله وحيف
دار يمسيها ودار يهجدها
هبت له الشرقي بليا عواصيف
والارض من ربي لفاها سعدها
ونهار تاسع شوفته بالتواصيف
غطاء الجبال بخضرته معه لهدها
وتبدلت عقب الدهر كلها ريف
وزانت مماشيها على من قصدها
هذي طرات العمر مشي(ن) على الكيف
الا المعاصي لاتجي في نصدها
واليا حفظت الدين مابك تخاليف
تالي حياتك جثت(ن) في لحدها
مسند مازن الميزاني