يوم عيد

والله أني تارك كل القصيد
بس رجعني حبيبي للعنا
يوم شفته لحظه في يوم عيد
ذكرتني ماضي قنا فنا
من سلك درب الهواء لازم يعيد
(الوضيحي) عقب حجه مهتنا
شافله زول مع العالم فريد
قال خلوني ترا يومي دنا
وصابني يا ناس ما صاب (العويد)
يوم شاف الزين في ساحة منا
عقب شوفه صابني جرح جديد
يوم شفت الجيد والجسم انثنا
مقدر اصبر لو قلبي من حديد
القمر بخدودها يوضي سنا
كلمتني بالاشاره من بعيد
كلمة محد فهمها غير أنا
قالت أنت وش جرالك يالعنيد
ليش من ذيك السنه ما زرتنا
قلت مبغي هرجة الحاسد تزيد
وانت عارف يا حبيبي وضعنا
والله أني عارف أني ما استفيد
كود أنا والليل والسهر أخدنا
مير هاذي سنة الله في العبيد
من زمان الجاهليه لا هنا
سهل بندر العتيبي