فرحة وطن تقرا على كل عنوان

ذكرت ربي وانخزى كل شيطان
الخالق المعبود والرزق يعطيه
هلا هلا في والي العهد سلطان
هلا هلا وازيد بالقول واثنيه
عم الفرح يامير شايب وشبان
وبقدومكم والجيش يفرح ابانيه
يا مصدر الناموس من كنتم وكان
وفي كل بيتاً حبكم داخل فيه
يا سيدي للشعب مخلص وديان
يا من لكم في كل زينه مباديه
ويثقل بكم يا سيدي كل ميزان
ومن ساسكم والسيل يتبع مجاريه
نطلب لكم والشعب كله على لسان
كلمة وفاء من داخل الصدر نمليه
فرحة وطن تقرا على كل عنوان
ونحمد اللي يسمك العرش بيديه
سلطان ساس المجد والصدق برهان
وطلبت أنا المعبود للشعب يبقيه
ويفرح بك اليتمان يالسيف شامان
واللي تخم النوم عينه وتخطيه
ويفرح بك المظلوم وبك الخفي بان
ويعرف بكم منهو من الناس باليه
بالأحمرين تعالجه سر وإعلان
ولكم سنام المجد مره وحاليه
جعل نصيبك يعتلي فوق عدوان
في جاه من يسجد لربه يناجيه
وبك يابو خالد كل عسر لنا هان
ودل الطريق اللي من الناس مغديه
معلا ظاهر زيد العنزي