المملكة غنت بزينات الألحان

بديت باسم اللي يسوق السحابه
الواحد المعبود علام ماكان
قال الذي اليا بغا القاف جابه
والقاف يطرب لا تغنى بسلطان
يا مرحبا واعداد رمل الهضابه
والكل منا مرحب(ن) فيك فرحان
من يوم طبت رجلكم في ترابه
المملكه غنت بزينات الالحان
حمدت رب البيت عقب الغيابه
سلامتك جعله على طول الازمان
نفدي وطنا ولا يكدر شرابه
واللي نواه بشر بالحيل ندمان
لو طوحت بالصوت بوم الخرابه
ما نستمع هرجه وما قال عصيان
حنا الوفا وفينا الوفا من ترابه
متأصل(ن) فينا لنا صار عنوان
ترى الجدي ما قيل احدن غدا به
وانت الجدي انته سلايل كحيلان
يمناك ماله باليماني مشابه
وضحكة احجاج(ن) كنه البدر لابان
الخير يا سلطان قدتو اركابه
شيدت للمحتاج صرح(ن) وبنيان
دعواتنا لك كل ساعة اجابه
ندعي لك الرحمن شيبن وشبان
يطول عمرك يا سند من لجابه
ومن عقبك مسكانه الخلد بجنان
عساك سالم يا هلا مرحبا.. به
مهما نقول اليوم مانوف الاثمان
وانهي كلامي بذكر منشي السحابه
واحفظ لنا ياوالي العرش.. سلطان
فهد عقيل المقبل الشمري