التكفير والتفجير مهنة تابع الشيطان

بدينا واتكلنا بالله الوالي عظيم الشان
إله عزنا بالدين والجبار داعينه
الا يالله تنصر دينك الي ما بعده أديان
وتحفظ دولة قامت على التوحيد من حينه
بلاد عزها الله واستعزت والوفا عنوان
بلاد ضمت الكعبة وفيها الناس راجينه
رجاك الي حباله ما تقطع لو تمر أزمان
على منهج رسول الله ماحنا مخلينه
الا يالله وفقنا طريق سالكه ربحان؛
تحت حكم المليك الي يحط الشعب في عينه
ملكنا الي ملك شعبه على حب ووفا وإحسان
ملك حكمة ملك رحمة ملك هاذي مضامينه
ملكنا الي حوى عطفه سجين من ورى سجان
أمر أمره وجاه إعفاه وارتاحوا وراعينه
ملكنا الي يمينه عايشة من خيرها الأوطان
مواقف والمواقف مالها إلا مدة يدينه
الا يا خادم البيتين بالمصحف حلفت أيمان
ترى شعبك يبيع الروح في ساحة ميادينه
وطنا ما احتوانا من فراغ وطيش واستبيان
جمع شمل الشتات وقول رب الناس قارينه
وطنا ياوطنا ما يهمك ناكر العرفان
ذليل النفس ماتقوى على ممشاه رجلينه
يعيش الهم والغربال والخذلان والحرمان
ضعيف عقله الي زاغ ما دله على دينه
تقول الدين راع الدين مايمشي مع العميان
تقول جهاد وين جهادك الي ضاعت سنينه
ضحاياك اليتيمة يوم قامت تبكي الاخوان
ودمع العين فالخدين مايمشي على هوينه
تحارب دولة قامت على التوحيد ياخوّان
تحسبنك نصرت القدس واستأصلت باغينه
تشوه صورة الإسلام وأنت الخايب الخسران
يبرمجك العدو الي توارى في ضلاعينه
ترى التكفير والتفجير مهنة تابع الشيطان
على عمياه يمشي فاليسار وفي ميامينه
تربينا على الدين الحنيف ونعرف الأركان
وراع الحق لا والله ما تخفى براهينه
درسنا الفقه والتوحيد والتفسير والقرآن
ونكبر والوطن فالقلب ساكن في شرايينه
فهد بن ناصر بن حميد