رفرفي يا راية العز

رفرفي يا راية العز على هام الجبال
يوم وحَّدها البطل واجتمع شمل العشيره
أبو تركي أسس الملك على عدل وكمال
واستتب الأمن بقيادته في كل ديره
للوطن تاريخ ويوم الوطن همَّة ارجال
والنصر والعز لامامنا صقر الجزيره
الوطن غالي وجا للوطن ضافي الخصال
أخو نوره هازم الخصم بسيوف شطيره
عمَّت الفرحة ربوع الوطن والشر زال
وارجهنَّ الشعب وراحت على الطامع كسيره
قادها من عز في عز بنظرات طوال
لابسٍ تاج الحكم شيخ هِمَّاته كبيره
قبل ابوتركي يجيها وضعها في سو حال
الجهل والسرق والجار ما يامن قصيره
استرد الملك عبدالعزيز قيدوم الرجال
نجد شامت له وحب الوطن بقصى ضميره
واعتلت في هامة المجد في عز وجلال
قبلة الإسلام فيها وتقام الشعيره
مملكة منهاجها الدين سيرتها عدال
الشرايع قايمه حق ما فيها قصيره
وخلَّف الابطال فرسانها في كل حال
والحدود مأمنه والوطن يزداد خيره
عاش ابومتعب على الشعب له فيّ واظلال
خادم البيتين ملكنا وقايد للمسيره
يا يمين الخير سلطان عاطياكم اجزال
يا ولي العهد يا قايد الجيش وزيره
والختم صلوا عدد ما طلع شمس وهلال
عد من زار الحرم وشرب من زمزم وبيره
عبدالله بن حمد الغيامة