سلمت ودمت يا سيف الأمن

سلمت ودمت يا سيف الأمن من كل شر وبأس
عسا عمرك يطول ولا تطول أعمار عدوانك
حماك الله من كيد الحسود الخاين البلاس
وحفظك الله من سود النوايا واعتلا شانك
عطاك الله على نيتك وافنى زمرة الانجاس
ومن خان القيم لو تامنه يا سيدي خانك
ومرت انه يخش ولا تفتش جيبه الحراس
وهذي عادة الخوان ما جازاك باحسانك
غدا سبعين قطعه يحسبنه كاسبن نوماس
نسا فضلك نسا خيرك نسا انه وسط ديوانك
غسيل المخ دهورهم وخلاهم بدون احساس
عسا عمرك يا بو نايف يطول وطالة إيمانك
ما دام انك بخير وعافيه تبقا لنا نبراس
نبيع أرواحنا لا ثارت الهيجا على شانك
ولانا للوطن يجري مع الشريان والانفاس
وهذا سلمنا من عصر جداني وجدانك
تحت راية هل العوجاء سندنا رافعين الراس
شعار الدين والإسلام عنواني وعنوانك