هبوب الرياح

يامل قلب هبوب الريح توميبه
أوماية السفن في لجات الأهوالي
أدور الرجم لا شفته واعديبه
وابدع تماثيل مثل السكر الحالي
اصب مبدا الرجم لا ضقت وابديبه
احب مبدا الطويل الشامخ العالي
فيه الذيابه ليا جاء الليل تمسيبه
واروح يمه ليا اصبح ضايق بالي
واشيب قلبي من الأيام واشيبه
من وقتنا اللي مضى وأثر على حالي
امنول الوقت يا سعده ويا طيبه
وقت مضى دار فيه أيام واليالي
واليوم لا تامن الوقت وعواقيبه
ما عاد ينفعك لا عم ولا خالي
وصيقك اللي قريب الداب في جيبه
وليا لفي يمكم فزيت له سالي
الوقت هذا ملقينا عراقيبه
يصفق بنا الوقت من جال ليا جالي
صفق البواخر بوسط امواج امهيبه
امواج هول تلاطم مالها تالي
مر توقف عليه ومر تمشيبه
وليا مشت به شوية حيدها مالي
تباً لها في البحر مكان ترسيبه
لكن مد البحر والموج به عالي
واليوم وقتك بحر ما عاد تدريبه
غبه وريح هواها يذهب الحالي
وقت العنا والشقى كثرت عذاريبه
يالله رحمتك يا استار يا والي
نور السعد يا هبوب الريح هبيبه
واصبح من الوقت هذا طيب فالي