الله يرده للوطن

أسعد خبر ذاعوه بأجهزة الإعلام
أفرح قلوب ومنه هاضت قريحه
عن صحة اللي غيبته كنها أعوام
وقلوب شعبه من غيابه جريحه
وأخبار عافيته على قلوب الأنام
مثل المطر عقب السنين الشحيحه
سلطان أبو خالد لنا درع وحزام
عز البلاد وظل من هو يطيحه
ولي عهد وبالمهمات مقدام
للشعب غيث زان نبته وشيحه
الله يرده للوطن عوق الأخصام
وعنه المرض مولاي ربي يزيحه
ونفرح بشوفة سيدي كل الأيام
ويحيا حياة في مقامه أمريحه
ما قلّْ دلّْ ونظم الأشعار بأحكام
مشاعري ترجمتها له صريحه
في حب أبونا لو كتبنا بالأقلام
جفُّت ولا وفُّت لنا في مديحه
عسى السعود بخير في كل الأعوام
الحي واللي مات ربي يبيحه