اللغز

الأسبوع الماضي كان لغز الأسبوع من طرح الشاعر: عقاب سفيان العتيبي من الجمش ويقول:
انشدك عن بنت من خيار البنات
بيضا بياض صح ما فيها سواد
إليا مشت تكبر وتصغر فالثبات
تحب تنزل دوم ما ترقا سناد
وقد توصل للحل شعراً:
ويش الطريقة يا عرب ويش السوات
عقاب بالجمش ويبا العلم الوكاد
يا ظنتي كرة من الثلج الفتات
لا دحرجوها بالحجم صار ازدياد
سعد مويزر مشعان البدراني - الرس
اللغز حليته عسى الحل بتبات
اظنها والله من الثلج البراد
يا عل برده ما يصيب ولايبات
الله يجنبنا لشره والعباد
محمد الشمري - الأحساء
يا مرحبا ترحيبة عد النبات
للي قرا واللي كتب لغز بمداد
وحللت لغزك يا عقاب وغصب جات
والحل كورة ثلج تاتي بالبراد
فزاع الشمري - حائل
تحية يا اعقاب من كل الجهات
تاصل لكم عبر الخزامى باجتهاد
الحل كورة ثلج من قول ثبات
تزيد بالممشى وإلى وقفت تباد
علي رشيد الرشيد - رياض الخبراء
هي ثلجة حطت من العالي وجات
شف كوره من الثلج تكبر بازدياد
لين تبرك بأرضها فوق النبات
تصغر وتسقى من تحتها كل واد
بندر عواد الطارف - الجوف
كما توصل للحل نثراً:
حسين منصور آل سدران، ثامر سند الشمري/ الرياض، ظويهر عنيزان الصلج/ الرياض، ناصر الهديرس/ الرياض، فالح غازي الحربي/ رياض الخبرا، طلال الحربي/ القصيم.
لغز الأسبوع
كتبه للصفحة الشاعر:
محمد عبدالله ساجر/ من طريف ويقول:
يا ويش رجال بالآيات مذكور
ما بين ضدين احتدم في مساقه
لاشيف بالظلما ولا شيف بالنور
ولا حد ذكر له ماسك يا رفاقه
نستقبل الحلول على
الفاكس 4871070
أو الإيميل
khozama@alriyadh.com
كما نرحب بطرح اللغز وأهلاً بالجميع.