ولي عهد المملكة طيب الذات

إهداء إلى صاحب السمو الملكي الأمير سلطان بن عبدالعزيز آل سعود
ولي العهد نائب رئيس مجلس الوزراء وزير الدفاع والطيران والمفتش العام حفظه الله
يا الله تعديها بهون وسلامات
يا الواحد المعبود رب العبادي
ونطلبك يا مرسي الجبال المنيفات
يلي تضرعلك جميع الأيادي
بأمرك تحقق كايد المستحيلات
يا منزل كتابك ويا خير هادي
ترد من بيني وبينه مسافات
حتى عيوني تهتني بالرقادي
من غاب والأفكار غادية اشتات
انا بوادي والسعادة بوادي
كيف احتمل غيبة حميد السجيات
ويطيب نومي واتهنى بزادي
والله ما تهنى الليالي السعيدات
وتحقق أمال بقلبي جدادي
حتى الخبر يعلن بكل القنوات
يقول ابو خالد وصل للبلادي
والشعب مرسومة عليه ابتسامات
تقول يضحك في نهار العيادي
وصل وصل سلطان رجل المهمات
درع البلد لا جا نهار الطرادي
إسم مسطر في عظيم السجلات
وراس عنيد إليا غدت للعنادي
أللي برأيه حل كل الصعيبات
لا عميت الأبصار رأيه سدادي
اللي يدينه بالمكارم نديات
فيه الكرم والجود ما هوب عادي
هو غيثنا يوم السنين المحيلات
وهو بلسم جروح سطت بالفؤادي
أله مقام فوق كل المقامات
ورايد على من قيل عنه ريادي
ولي عهد المملكة طيب الذات
عضيد ابو متعب كعام المعادي
مع نهج عود حاف كل البطولات
حتى تحقق له جميع المرادي
عسى عظامه بالجنان الطريات
عبدالعزيز مطوع كل غادي
وختامها مني سلام وتحيات
عداد نبت العشب في كل وادي
وصلوا على محمد كثير الصلوات
اللي هدى الأمة لدرب الرشادي