شكراً على هالمكرمة

سلام يا رمز المحبه والاحسان
سلام يا راعي الوفا والحميه
سلام يا عبدالله الأب الانسان
اللي يفكر في شؤون الرعيه
سلام باسم المبتعث وين ما كان
نيابة عنهم نقلت التحيه
نقولها لك صدق من قلب ولسان
يا مرحباً يا أب ما فيه زيّه
أنت لملك والأب والطيّب الحان
وأنت الحكيم اللي يحل القضيه
وأكبر دليل المؤتمر حق الاديان
اللي على شانه بهرت البريه
نصحتهم باللين وبطبع الإيمان
وخليتهم لك يضربون التحيه
وعلمتهم بأن السعودي إلى الآن
يفخر بحبه للوطن والهويه
وعلمتنا بانك على مر الازمان
تبقى العطوف اللي كفوفه نديَّه
ونصحتنا بالحلم لعيون الاوطان
وأوصيتنا بالصبر عند الأذيه
عندي رساله لك من فلان وفلان
مثل الأمانه والأمانه وصيه
باسمي يبو متعب واسم كل الاخوان
شكراً على هالمكرمه والهديه
ماجد سعيد الصقور
رئيس النادي السعودي بجامعة سينت كلاود ستيت - مينيسوتا