رجلي وخيال

يا الله ياللي عالم بكل الاحوال
ياعالم فالعدل ياعالم الميل
تغير الاحوال من حال لا حال
وتصلح لنا الاجيال جيل بعد جيل
اقول ما شفته ولاني برجال
لكن بنت من بنات الرياجيل
من مد لي مثقال بوفيه مثقال
واللي قصر يمناه ما يخدم بخيل
والخوة اللي مالها يمنا بال
ما عاد تلحقها حقوق ومعاديل
خوة مجامل بين طرقي وجمال
خوة مصالح في زمان التهاويل
دنيا تصافق بين رجلي وخيال
احدن سرح بالصبح واحدن سرى ليل
وانا حياتي كل ما جت بالامال
تضيع مني مثل ما يحدر السيل
من يمسك الما لا تحدر ولا سال
هذي حياتي بين هم وغرابيل
الفقر ما هو عيب ياطيب الفال
هذا نصيبي في زمان البهاذيل
يا الله ياللي عالم بكل الاحوال
تصلح لنا الاجيال جيل بعد جيل
عزيزة العميري