جرح البعد

لا لا تقول انه تصاريف الاقدار
لا لا تقول فراق الاحباب عاده
تكفي ترى تكفي روايات واعذار
ومنك التغلي طال حبله زياده
ان كنت مخلص للهوى منت غدار
خل الضمير الحي يلحق مراده
ترى الشعور اللي بدا فيك ينهار
يقلب موازين الفرح للنكاده
لا تستغل ظروف شخص من النار
هاجر عى شانك ضواحي بلاده
اللي مشى لجلك مسافات وديار
عليك كيف يهون تجرح فواده
تحولت ذيك السعاده للاكدار
ساد القلق جو المحبين ساده
يطال بالفرقا فلا عاد تحتار
ولا تشتكي غدر الزمن واضطهاده
هات الرسايل والصور هات الاشعار
هاك الرسايل والصور والقلاده
ما بي معي يبقالك اليوم تذكار
من شان جرح البعد يسهل ضماده
والمساله ما تحتمل كل ما صار
ومنك الزعل هذي نتايج حصاده