عسى نجد تلبس ثوبها الباهي

عسي نجد تلبس ثوبها الباهي الفتان
بعد ما تطلق فوقها ثعول وسميه
يعزل السماء والأرض عازل من الربان
يخفف لهيب الشمس سبعين فالميه
يسري عليها شهر الماطر الودان
جهوزن ورى جهوزن والكل سيله
وتأخذ سنه وشهور ما جفت الغدران
ونبت الزمالق تبطي وعرقها حيه
وأشوف الروابي كلها اتشكلت بألوان
وريحه نقلها يختلط بالخزاميه
وإذا غرد لقمري يجاوب له كروان
وسرب القطا يلحن ألحان سحريه
وأشوف البدو والطرش والظين والرعيان
تجوب الفيافي بين هاذي وهاذيه
ويضف الحيا والخير بساير الأوطان
خصوصاً على كل الديار السعوديه
وترسم أجمل لوحه ما رسمها ولافنان
رسمها الولي لأجمل مناظر طبيعيه
وهاذي الحياه ألي لها خافقي شفقان
تفوق السياحه يم لندن وسوريه