الحقيقة شمسها ما تغاب

يا محاسب ضميرك ويش معنى الحساب
خل فكرك سليم وخل ظنك سليم
وأكسب العلم الأبلج ولبس أحلى الثياب
لوحبال الخصومه في يدين الخصيم
كل صاحب معرفه يلتزم بالكتاب
ما يعامل كذوب ولا يرافق غشيم
خطوتن للأمام ونظرتن لسحاب
في جديد الحساب وبالحساب القديم
كم سوال طرح نفسه بليا جواب
وكم جواب على قول المثل بالصميم
الدهي للذ يا به والحسد للغراب
والظفر للوليده والخجل للحريم
ناقل الهرج دايم بين ودى وجاب
والفعايل لهلها كل شي مقيم
قالو ان الحقيقه شمسها ما تغاب
والكرم ميزتن ترفع مقام الكريم
لو تدرهم ركاب ولو تنوخ ركاب
من شمال القصيم إلى جنوب القصيم
قلت فعل السبب واجب مع الاحتساب
وكل شي بتسهيل العزيز الحكيم
علم ثابت وعلم مثل وصف السراب
جعل راع المعرفه هاجسه ما يهيم
غفلة الشايب أعظم من غرور الشباب
والنهايه قريبة وفتهم يا فهيم
قبل تطوى الصحايف بالخطا والصواب
اذكرو يوم ما ينفع حميم حميم
صالح عبدالرحمن الصالح الناصر