الأسئلة

الأسئلة صعبة.. وإجاباتها أصعب
ألقى بها رغم السهولة صعوبه
مثل الشعر يجيك أعذبه الأكذب
والمستمع يلقى بكذبه عذوبه
الكذب صار أبيض وأسود وأشهب
وكل على قده لباسه وثوبه
صارت إجاباتي له صمتي أقرب
وما أمشي بدربي والعيون معصوب
ويا بخت من يصبح للأمثال مضرب
وهو حي ولي من مات يجزى مثوبه
وبعض الملا لي صار حرك وتنشب
عنه ابتعد حاول تفادي دروبه
للأسئلة دور عن الحل الأنسب
ولا تجي مثل اللي يحارش جنوبه
للطيبين أبنصحك خلك أطيب
ما تنزرع أرض بليا خصوبه