عزم رجال

ما كل يوم ينثني عزم رجال
ولا كل يوم خطوة الطيب سهله
ترى القدر دولاب وان مال لك مال
لابد ما يوم قرع لك بطبله
وتشوف عسر بالمواقف وتهتال
وتلقى صديق كم تذكرت قبله
حي حفظ ودك على ماضي افعال
وجابه الصوتك لا تنخيت نبله
ويجازي المعروف في مثله اقبال
والكثر واللي تحسبه ما حسب له
ما هو ولد عم.. ولا هو ولد خال
وحتى النسيب يابعد ما تنتسب له
يسند الياهابت رديين وانذال
ويوم الجزا ما ينتظر وارتقب له
هذاك نادر.. لو تعمقت بالحال
هذاك مثله لو تتبعت شبله
من هالضلوع انقض بي نزع موال
لعلها من واقع الحال نقله
لها صدى في غفلة الحس زلزال
منها يضيع صاحب العقل عقله
ما كل يوم للوزى تنجب.. رجال
ولا كل يوم فعلت الطيب سهله
أحمد دلي الهزاع