فطور حارتنا الجماعي عشقناه رمز المحبة.. والأخوة حلاته

ذاك الزمن صوّر لنا جمعة الناس
صوره عن الماضي تراها فريده
من بينهم تلقى موده مع إحساس
في جمعة الجيران فرصه سعيده
وعيالهم في عزهم صار نوماس
في مجتمعنا ولف.. والله يزيده
سليمان بن عبدالعزيز السنيدي
جَمعةْ على افطارٍ بشهر رمضانِ
عسى الذي حطّه للاوفاق والخير
في منزلٍ شعبيْ بِني من زمانِ
هذي مرابيعه تحدّى الأعاصير
بين النخيل اللي جناهنّ داني
شيٍّ يصيّف به.. وشيٍّ مباكير
عسى السعودية بأمنٍ وأمانِ
دايم وتسلم من جميع المحاذير
محمد مقحم المقحم - الرياض
شهرٍ فضيل وكل عام نتحراه
نرجي رضا ربي ونطلب نجاته
ونعيش في جو من الخير محلاه
الكل داعي يطلب الله غناته
فطور حارتنا الجماعي عشقناه
رمز المحبه.. والاخوه حلاته
خالد بن ناصر المخيمر - روضة سدير
شهر فضيل وفيه منزل قديمين
راحوا وخلوا هالمحبين تذكار
فطورهم يذكر الناس الطيبين
توارثوه اجيال في وقت الافطار
والجو رايع كله اشواق وحنين
يالله تقبل منهم وصوم الابرار
عاده قديمه من زمانٍ لها سنين
في جو غايم يا طويلين الأشبار
حمد عبدالله الوايلي - حوطة سدير
يا زين الاجواد لجواد التمُّوا
على فطور افضل الاشهر
وعلى ما كتب ربنا سمَّوا
ونفوس مِن جمعهم تطهر
عادات اجدادهم نمَّوا
والود بوجوههم يظهر
سعود عائش الحربي - جدة
ياما حلا الجلسه على جمع الاخوان
قبل غروب الشمس لحظة دقايق
ما بين أصحابٍ.. وربعٍ.. وجيران
وشوف الزهور النادره بالحدايق
صالح البشري
نرحب بمشاركاتكم الشِّعرية،
وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد