الطيب يوجع من به الشك والريب

رجلٍ ملا عين الرياجيل بالطيب
لا بد ما يظهر حسودٍ يعاديه
الطيب يوجع من به الشك والريب
اللي عجز عن فعل غيره يجاريه
ما نغبط اللي ينقد الناس ويعيب
حتى لو أنه حاوي العلم بيديه
قسم الرخوم يشذبون العراقيب
يوم الرجال اقسامها تفتخر فيه
من عذرب العالم وفيه العذاريب
شرهة على من يستمع له ويوحيه
العاقل اللي ينكر النقص والعيب
ولا حط نفسه في مكانٍ يوطيه
والخايب اللي يصحبه لازم يخيب
يطلع مطاليعه ويمشي مماشيه
صفّ النوايا وانتبه للعواقيب
والحرّ ما يحتاج قولٍ وتنبيه