البنصر حل اللغز وانشره لاهنت من فوق شغلي اشغلتني بالتفاكير

كتب لغز الأسبوع الماضي معد زاوية اللغز والذي يقول:
ياويش بنت ساكنه في طرف بنت
خواتها اربع وابحثوا يامداوير
اول وثاني حرف مشروب لي وانت
وثالث ورابع حرف وسط المعاصير
من رمع اللغز رمعة صحيحة:
يبو رجا قريت لغزك وخمنت
قدر لي التوفيق رب المقادير
لقيته البنصرو ارسلت وايقنت
عسى اصيب الحل وكمل السير
علي الرشيد - رياض الخبراء
صفحة خزامى تاصلك وين ما كنت
فيها جميل الشعر وارْقا التفاكير
الحل يا عادي طرف كَف لا هِنت
بنصر وله اربع خواتٍ مِشاهير
سعود عائش الحربي - جدة
البنصر حل اللغز وانشره لاهنت
من فوق شغلي اشغلتني بالتفاكير
محمد السعيد - جلاجل
يا عادي اللي بالعهد والوفا صنت
دوك الجواب اللي لفى بعد تفكير
الاصبع البنصر ولو شفت وامعنت
تلقى جوابي صح يا لاقي خير
صالح الزرير التميمي - الرس
بالله وفي قدرته اسلمت وامنت
والله امرنا بالتدبر وتفكير
في كف اصابع يدك لاهنت لاهنت
اللغز حله بنصر الكف لاغير
عبدالله عايد المفضلي - الرياض
لغز الأسبوع
كتبه الشاعر خالد ابراهيم المرشود من الرياض ويقول:
يا ويش رجال سكن فوق عذرا
خطه عوج وآ اوصّفَه لك وسمه
اول وثاني حرف يحتاج صبرا
واول ثلاث حروف معناه قمه
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com