من فراش المرض قررت كشف الغطا

كود روحٍ كساها جوهر النور تاوي.
علْ دارٍ نحتها (فرع) عني وطا
علها للهجاد اللي يحوش الجلاوي.
عل رد النقا مرفوع ماش اوسطا
شدّق (الهدو) مسطورٍ على الشر ناوي
علها (هوش ساقه) من تكرّب سطا
يملخ الطير خشبان الجنايز رهاوي.
لين تطرح يديها في ردوني نطا
فيه من ريحة (الجرفه) وسوم وعزاوي
يا ولد لا تهقوى كل خرصك خطا
كم رسالة هوى تقرا على لسان غاوي
مثل ما تشرب الخبراء عيون القطا
مثل ما تكسر النظرة بقلب الهواوي
مثل ما يغري المرسام عقب البطا
قاصرٍ طوحوه بعيد سود الكساوي
شاربتني ريام وحارمتني عطا
لا جفتني واشوم ولا شعتني نجاوي
إن تثنى البريم ولاج خصر امعطا
وان ثنت رجلها فزّات حرٍ نداوي
وان قفاها الهوى (صفراء) تسوق اربطا
وان نطحها الهوى دابٍ تعطّف لحاوي