منْظَر بليلٍ يِسر العين البرق والمي والخضْرَه

منْظَر بليلٍ يِسر العين
البرق والمي والخضْرَه
وجمال بَرٍّ معه ثنتين
شوْف الخَبارِي مَع السِّدره
يا زِين سَج القدم هالحين
بالصبح او حزَّة السَّمره
ويا الله يا والي البيتين
يِعِم غيثك على الدِّيره
سعود عائش الحربي - جدة
منظر طبيعه واضح بالصوره
ابدعت يا خالد في تصويره
بين الشجر والسيل في نوره
والبرق لايح واحمر تنويره
جو خيالي واسمعوا هالشوره
دور مكانه واجتهد تدويره
واكشت عساها وطية ماثوره
وبالك تجيب العيد والتهويره
حمد عبدالله الوايلي - حوطة سدير
يا زين شوف البرق في جو خالي
منظر يسر العين حزّه.. وحزّه
تفرح به الناس أول.. وتالي
ويسل سيلٍ كل وادي يعزّه
خالد بن ناصر المخيمر - روضة سدير
يشدني شوف الشجر وسط الأمطار
منظر له العين تفرح.. وتشتاق
يا حبي شوف المطر كل الأقطار
حبٍّ حقيقي لو كتب وسط الأوراق
بشائر القحطاني - الرياض
نرحب بمشاركاتكم الشِّعرية،
وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد