خلاص أنا عفتك

أن قالها الله والله انّي لاربّيك
ولعطيك درسٍ ماحصل في حياتك
درس ٍ معك طول العمر هو يباريك
تذّكره مادام هذي سواتك
اقولها من كل قلبي ما خليك
العلم جااك .. وكلمة الصدق جاتك
كذاب ومتكبر ولاحدٍ يدانيك
ليتك تريحني وتلزم سكاتك
تظن كل الناس عندك مماليك
على ايش شايف نفسك انت وغباتك
ماني على كيفك ولعبه باياديك
تروح ثم ترجع بكيفك وذاتك
أن كان أبوك امدلعك زود معطيك
ما نيب مثله باتحمل خطاتك
اصحى لنفسك شوف من هويحاكيك
انصحك لاتمشي كذا في عماتك
خلك على ماقلت صابر لمايجيك
وانا على قولي تشوف احسراتك
لي غاية ٍماظن موجودة فيك
عزت نفس لاشك ما هي صفاتك
بعز نفسي دوم عن كل ماضيك
وبرفع مقامي عنك وعن عيناتك
خلاص انا عفتك ولا عاد ابيك
يا ناكر المعروف هذا جزاتك
ولا..لا.. تفكر يوم برجع وارضيك
النجمه اقرب دام هذي سواتك
*** *** ***
*** *** ***