( بالف وسبع ميه وسبع وعشرين ) يوم بدينا به مسيرة كرامه اثنين وعشرين ومن شهر اثنين يوم عظيم وطاب شهره وعامه عام به ابن سعود نسل الميامين اسس وطنا اللي رفيع مقامه محمد ابن سعود بالسيف والدين اسس لنا موطن وحقق مرامه امامنا اللي له تليق النياشين امامنا ياحي هاك السمامه ومن عقبه احفاده حرار الشياهين توارثوا حكم الوطن والامامه حتى وصلنا لحكم سمح الححاجين سلمان عنوان الكرم والصرامه بالحزم له هيبه تهز المعادين وبالجود اكرم من حقوق الغمامه في عهده المفسد يشوف الامرين يبي السلامه مار مامن سلامه وبعهده الاصلاح واهله عزيزين وصار التطور للمعالي علامه له هيبة تجعل له القاسي يلين وله همه تجعله تاج الزعامه حنا لأمره لا ومرنا مطيعين و بحزة الشدات حنا حزامه و (ولي عهده) في جميع الميادين له هامة تشمخ على كل هامه جعل لنا هيبه وقدر وتمكين ورفع مكانتنا بعظيم اهتمامه ولي عهد المجد بافعال تبين متشبع بالمجد حزة فطامه ومن لا يأدبه الزمن والقوانين وينفخ ذروبه مثل خطو الجهامه هيبة محمد تجعله بين ثنتين موت بحسره او معيشة ندامه لله دره كيف خلا السلاطين تذعن له برايه وتسمع كلامه ولي عهد صار حسب العناوين يحرك العالم بقصر اليمامه من مثل ابو سلمان بين الكريمين حيثه بلغ بالمجد ذروة سنامه بوقت الرخا نكتب بحبه دوواوين وان ثار كون الحرب حنا حسامه وهذا وطنا اللي من سنين وسنين نحبه بنور الزمان وظلامه من بحره الاحمر الى شرق دارين ومن الشمال الين ساحل تهامه مانستمع به هرج الاقصى والادنين ولا نرخصه لاهل الفتن والنمامه ولانتركه لاهل الهوى والمفسدين ونفديه بالغالي ليوم القيامه