السياحة في بلدنا عالمية كان صيف أو برد وإلا بالربيعي

كتب بيت الأسبوع الماضي للصفحة الشاعر عودة العنزي من الرياض، والذي يقول:
السياحة في بلدنا عالمية
كان صيف أو برد وإلا بالربيعي
وكان الصدى من الشعراء:
إي وربي دارنا ما فيه زيه
وكل وجهه جوها جو بديعي
كان جانا الصيف رحنا أبها البهيه
وبالربيع البر طب للوجيعي
عبطان السويدي - حايل
التطور والحضاره جاذبيه
ومملكتنا منزلتها فالرفيعي
يا مدور في سياحه حالميه
عندك اللي جوها جو طبيعي
دارنا دار الرجال الصارميه
الكرم والعز والصدر الوسيعي
وفلها يلي تمنى الحالميه
الجواب اللي له المبصر سميعي
حمد عبدالله الوايلي - حوطة سدير
بالشمال أو بالجنوب الها سمية
ما تضايق باي وقت ما تضيعي
خذ عيالك واتجه للموسمية
كل شي اتشاهده شي طبيعي
علي الرشيد - رياض الخبراء
السياحه في بلادي موسميه
والفصول الباقيه الها تبِيعي
من ولي الكون فيها مكرميه
المخايل والهوى فيها طبيعي
وللحضاره والبداوه معّلميه
وقبلة الإسلام منبر للسنيعي
والمكارم في بلادي حاتميه
مجدنا فيها موثق ما يضيّعي
مشعل بن صنت العصيمي - الخرج
الكلام اللي ذكر ميه لميه
وللمثَل يا سامعي لازم نطيعي
شعبنا يا شعبنا هذي حميه
نملي الاطباق من شى طبيعي
ونترك السفرات من روحه وجيه
وحافظ حقوقي كبير مع رضيعي
محمد عبدالله الشهري - جدة
بيت الأسبوع
كتب بيت الأسبوع للصفحة الشاعر عبطان السويدي من حايل، ويقول:
الحمد لله انقضت عطلة الصيف
وعدنا بخير وحل عام جديدي
نستقبل صدى هذا البيت خلال أربعة أيام من نشره على إيميل الصفحة:
rb-khozama@alriyadh.com