ريحُ وْربيعُ وْطلعةٍ تفتح النفس

واللّي يحِب البَر يلحق ربيعه
الصبح موعدنا قبل تطلع الشمس
وقبل الندى يغادر وُرود الطبيعه
أقول هذا اليوم ما يشبه الأمس
أحداث هذا اليوم فعلٍ فضيعه
لقيت هالمنظر دُوا خاطرٍ عَمس
صورة وتبقى في عيوني بديعه
تكفون في هالروض لا يكثر اللَمس
خفّوا المشي لا يمسي الروض قِيعه
كن الزهور تْناجي لْبعض بالهمس
كِل ما لهَوا يأمر تِميل وْتطِيعه
ركّز بهذي الخد وشْلون جاء العكس
عقب القفر يشوف من شاف ريعه
يا مْوَقّت التوقيت وقّت على خمس
ل أجل نْتمشى في الفجوج الوسيعه
أقفى ربيع العام وإصْفَر ثم يبس
وحنّا نمنّي النفس بٌكره تبيعه
أحمد إبراهيم المانع