حبّي لها بالكون ما هوب موصوف

في نجد عِشت وْظلّتني سماها
وْحبّي لها بالكون ما هوب موصوف
أُمٍ غذتني من ثِمرها وماها
وِلْها بقلبي مغْزلٍ خِط .. بحْروف
حبي لها واجب وزايدِ غلاها
لَعلّي أوْفيها ولو بعض .. معروف
وإلا فنا صعبٍ عَلَيّه جزاها
لا عشت طول العمر مغرم وملهوف
إن غبت عنها خاطري ما نساها
دايم وهُو فيها مولّع.. ومشغوف
تطري عَلَي أوصاف نجدُ وْبهاها
وأصْفِق لها من زايد الوجد بكفوف
وتطري عَلَي جْبالها مع.. حصاها
ورمالها يذري بها كل.. عاصوف
شعر - عبدالله بن عبدالرحمن السلّوم -رحمه الله-