تحية .. وفاء

أدت تحيتها الى محمد الغالي
ماهو هلع هيبه يوم شرف الجيه
لا والله الا الطيب ابأول وتالي
شرفها هالموقف بنت السعوديه
بنت الكرم والجود وام الابطالي
قالت هلاواهلين باللي ظهر ضيه
اهلا باعز الناس وبطيب الفالي
وتحيتي لمثله.. تقدير شخصيه
شامخ مثل طويق له منزلٍ عالي
حبه لدى شعبه لامانوجد زيه
حنا فدى هالدار بالروح والمالي
ياسيدي محمد هالدار محميه
من رب هذا الكون الواحد الوالي
وجنود في الجبهه تحرس أراضيه
ووليدي المنصاب مع باقي اعيالي
هم للوطن فدوه لاحانت الهيه
وهذي تحية عز وتقدير يالغالي
أدتها من تفخر انها..سعوديه
صالح العبدالله