تحت راية هل العوجا

دار ياللي من الأمجاد شبعانه
يا سلامي على اللي وحّد اقراها
يوم عبدالعزيز أقبل بفرسانه
طوٌع الطامعين وركعّ اعداها
ريّعت من فعل يمناه وحصانه
يوم نادت لخو نوره ولبّاها
تصهل الخيل بالبيدا علشانه
الأصيلات يزهنّه ويزهاها
لين طير السعّد رفرف بجنحانه
تحت رايه هل العوجا وبحماها
والوطن نحمدالله عاليٍ شانه
في ذرى اللي رجوم الطيب يرقاها
حاكمٍ حازمٍ والعزم عنوانه
يوم سلمان جاها والسعد جاها
في يمينه وليٍ للعهد صانه
والثقيله ولد سلمان منصاها
وقفته مثل غيثٍ هلت امزانه
كم ضعيفٍ ومضيومٍ تمنّاها
بالختام أحمد المعبود سبحانه
نعمة الله علينا ما جحدناها
Your browser does not support the video tag.