نجدد البيعه ونعلن ولاها

سيرة بطل وملقن الخصم تلقين
وفي عهده الديرة رفع مستواها
يا أبو فهد حنا على العهد باقين
نجدد البيعه ونعلن ولآها
يا سيدي تأمر وحنا مطيعين
حنا فدى للمملكة من غلاها
ما همنا هرج العداء والرديين
الدار نحميها ونحمي سماها
ولي عهدك بينت له براهين
طموح والرؤياء يأسس بناها
محمد ولد سلمان ذيب المعادين
من هيبته روس الافاعي وطاها
ويا دارنا يا قبلت(ن) للمصلين
ياللي تضم جدودنا في ثراها
من خانها لو هو من الربع الأدنين
يجيه منا كية(ن) ما نساها
يا مدعين الدين حنا هل الدين
تلبس عباءة الدين وانتم عداها
حرضتم الجهال هم والمساكين
كم من عجوزً مهلكين(ن) ضناها
محرضين وبالنوايا خبيثين
هذى ذنوب اللي يجيكم دعاها
دار(ن) عليكم خيرها يالخسيسين
وشلون خنتوها عساكم فداها
معنا وأثركم للمعادي موالين
ومن شركم ربي بلدنا حماها
دار(ن) تغلغل حبها بالشرايين
عين(ن) تعاديها ترانا عماها
كم وفرو حكامها للملبين
خدمة حجيجن ما يدور جزاها
يا ابو فهد حنا على العهد باقين
نجدد البيعه ونعلن ولاها
مسند بن مازن الزحزوح
Your browser does not support the video tag.