دلال نارٍ ما يبطّل سناها

الله على الفنجال مع هجعة الناس
بدلال نارٍ ما يبطّل سناها
مع حمسةٍ يملا بها كل محماس
ويقلّبه قرمٍ يعرف استواها
قم يا فرج شبّه تر الكبد والرأس
العين اشوفه قازيه من خطاها
حط الجروم اللي من العام يباس
لياما يطوّح ضوّها مع فضاها
وأحمس على جمرٍ ترى ماله اجناس
وكفّه ليا منّه عرقها غشاها
وأودع بهاره هيل ورهّه بالاجراس
يا خالط الفنجال تر هو حلاها
ودقّه بنجرٍ يسمعه كل نعّاس
ولا تغلق الضّبة على من بغاها
وصفّه وصبّه تر هو الصفا بقياس
ما هو خطاة الخامل اللي طهاها
اللي يحطه بأوسط النّار مرفاس
لما يطير قبوها مع غماها
Your browser does not support the video tag.