ظروف الأيام

والأيام والحاجه
تظهر لك الناس وتبّين معادنها
لو كل واحد رفيق ويضحك حجاجه
ماكان نفرق يسار الناس وايمنها
الا انت ياللي طريق العز منهاجه
ماغيّرتك السنين .. ولاتضامنها
يفدونك اهْل الرخاء والهرج وإزعاجه
اللي دروب الشدايد مادروا عنها
قوم التبجاح بين الناس هرّاجه
مانته بمنها وانا ماني بعد منها
تلقى لهم في طريق الحكي دٌوْاجه
وافعولهم يا حزام الجنب مااشيْنها
ترى الردي لو يحاول يشعل إسراجه
مايرفع بيوت عزّّ.. ولا يطمنّها
لو شال سيفه مع الرديان منعاجه
ماهو بويّا الفعول .. ولا يثمنّها
والوقت دوّار نلقى فيه وانواجه
والرابح اللي دروس العمر متقنها
علمني الوقت لو اموت من حاجه
ماانصى ضعيفين خلق الله ولاضمنها
عطيتهم من وريد القلب وإنتاجه
واعطوني المر من منطق ملاسنها
واليوم توي عرفت الفيلم واخراجه
مااخبلك ياللي فعول الوقت تأمنها
في كنّة القيض يوم الشمس وهّاجه
شفت العصافير تلهث من مساكنها
والا حرار الاوادم .. لابسٍ تاجه
لااشتد جور الزمان وملت ف ازبنها
هم طنخة الراس والنوماس وإعلاجه
محازمٍ ب الظفر عبّت مخازنها
شرواك يااللي ب فعل وقول محتاجه
انا حياتي على خوتك راهنها
والا الرديين نعطيهم على الصاجه
نقدح لهم قدح نار ولا نهادنها
ولولا ظروف الزمان وفعلة الحاجه
مابان فعل الرجال ولا معادنها
Your browser does not support the video tag.