غربة

شوق
لو ما وراك إلا التعب يتلع الجيد
فداك روحي والبيوت.. وعربها
خليتني بين الصدف.. والمواعيد
وعزّي لمن سودٍ فارق حسبها
يمسي وفي عينه من الشوق تسهيد
وطيوف ما يقوى المعنى شغبها
شِعر - نايف صقر
صفحة جديدة
إفتحي صفحة جديدة يا ملاك
وانسي اللي فات نبدأ من جديد
دام قلبي يحترق ما قد نساك
والمشاعر في هوى حبك تزيد
ما كفاك إني على درب الهلاك
أنزف الدمعة كما نزف الوريد
من عذابي بس أفكر في رضاك
وإنتي إحساسك عن إحساسي بعيد
شِعر - بندر الرشود
حلو الكلام
حلو الكلام وفاضت عيونها إحساس
واضفت على سحر المكان ابتسامه
كريمة النظرات غيمه .. ونسناس
تكاملت بدر وجذبني تمامه
كل شي فيها غير تفرق عن الناس
وضحكة دلعها تستفز الوسامه
شِعر - محمد العريعر
غربة
طول الليل .. والغربه
وهمٍ بالحشا ما غاب
وظروفٍ غدت صعبه
وحزنٍ عاد بعد غياب
وخلّي يا قسا قلبه
ذبحني بلا خطا.. وأسباب
شِعر - رجوى الخالدي «أوامر»
بندر الرشود
أوامر
محمد العريعر
Your browser does not support the video tag.