بحر الشقاء بحري ولاهوب طوعي

البارحه وكل الخلايق هجوعي
ونّيت وبصدري من الضيقه جبال
أتنهّد بحيره وانثّر دموعي
وذكراك تاخذني من الجال للجال
في وسط قلبي بان شيٍ يروعي
عقبك حزين وتبدّلت حالتي حال
بحر الشقاء بحري ولاهوب طوعي
لاطحت من طولي وأنا بألف رجّال
ماهوب كبر لكن أنا أبخص بنوعي
مثلي قليل اللي على الوصل ما زال
استاحش لوحدي وأضوّي شموعي
واتخيّلك عندي بالأشواق ميّال
ارجع واقول امداني حبّيت كوعي
لو كان برجوعك ولو لحظة وصال
ثوبٍ يضمّك لو يحس بضلوعي
أزهر حريره لك ونوّع لك أشكال
شعر - عبدالرحمن إبراهيم الكريمي
Your browser does not support the video tag.