ياسرور أنا في عالي الرجم عدّيت

وحاولت أفِكّر وأفتكِر مثل غيري
ودعيت ناسٍ خالفوني وناديت
وأقفوا وأنا في ما قِفِي مستخيري
بغيت أعدّل مايل الناس وأزريت
أزريت أعدّل مايلٍ في ضميري
ماجتني الدنيا على ما تمنّيت
يوم إنقطع حبل الرجا من عشيري
وأيّست من طرد المقفّين واقفيت
ونزلت ملواحي وبرقَعْت طيري
وإليا وجب واجب علَي إستعدّيت
ماني مِهين وْلاذراعي قصيري
شعر - ساير بن راجح الحربي
Your browser does not support the video tag.