سلمان حزم ووقفتك تجلي الغم

نوخ رِكاب الضيق واسترخص الهم
وأجمع وطنك وقبله في جبينه
حدد هدفك اللي تبي واطلب وسم
لك شعب طاعك مثل ماطاع دينه
سلمان حزم ووقفتك تجلي الغم
الارض من سيفك تعيش إبسكينه
انت الأبو والأخ والخال والعم
وانت الأسد والمستقل إبعرينه
كن العرب يربطك مع حزنهم دم
هم العرب بإقلوبكم حاملينه
يا سد مآرب علّم الجرح يلتم
لاجلك وقف سلمان ومحمدينه
نحمي سبآ بلقيس وانضمها ضم
يبطي عدوك ماعبثت بك يدينه
في ذمتي لو باعك ابوك والام
لاجلك وطنا يفتزع ساكنينه
واللي يحج ويعتمر في فضا قم
في ذمة اهل المملكة ماتجينه
ياسد مأرب في كنف نجدنا نِم
سلمان تمسح دمعتك راحتينه
ياسيدي واوجاع جسم العرب كم
واللي يضمدها عسى الله يعينه
انت الوحيد اللي تزم امرنا زم
حزمك يقّرب شي مستبعدينه
ياسيدي كبر على الظالم وسم
كل العرب فيك الأمل عاقدينه