خيال شاعر

الغيم عانق شمّخ البيض والسود
منْ طيبها فاضت بحلو الزلالي
معْ نسمة البارد وماها به تجود
مثل الكريم اللي سخيّ الريالي
قطراتها فوق الشجر تفْرح العود
عوداً به زهوراً تثير الخيالي
خيال شاعر يقدح الشعر ويزود
في وصفها في حسنها والدّلالي
جهمٍ مغاتيرٍ تقافا كما الذود
تمشي الهوينا مقبلاتٍ ثقالي
مطواع مافيها بروقٍ ولا ارعود
بين البشر والشمس ظل وظلالي
اتْنادي العشّاق ما فيه منقود
تفتح يديها شوق لاهل الوصالي
فوق المصيف اللي له الحبل ممدود
عسير .. والباحه بلاد الجمالي
في دارنا اللي مضرب العز والجود
المملكه دار السعد .. والمعالي
مقرن بن متعب الهرف