الرياض على الخليج الأوله والفخر دام حازت على التقدير والكل يثنون

بيت وصدى

نشرنا في الأسبوع الماضي بيتاً من الشعر للشاعر سعود الحافي حيث يقول:
بمناسبة منح الجوائز والأوسام
لأفضل جريدة رايده وش تقولون
وقد تواصل معنا عدد من الشعراء حيث قالوا:
نقول لك مبروك ومادام مادام
تركي على التحرير فالفوز مضمون
فازت على كل الجرائد بالأرقام
وتوهقوا ناس لها بيجارون
وداتا ماتكس اللي يذكَّر بالاعلام
عطا التميز للذي يستحقون
ابراهيم بن مسمار القحطاني
الرياض
الشعر تبقى بصمته طول الأعوام
وأنا مع العراف عارف وممنون
وأقول للي فايزه بين الاعلام
تستاهلين الفوز وبليس ملعون
أنتِ الرياض اميزة طول الأيام
قول صحيح بالموازين مازون
مسفر بن ثابت القحطاني
جعل الرياض تفوز عام بعد عام
وتركي السديري مع عضوده يعيشون
كم ساندوا رملى ومعاقين وايتام
تنشر مطالبهم وهم يستريحون
قالوا الرياض وقلت هي تاج الاعلام
عسى عساكم كل عام تفوزون
عبدالرحمن زيد الضبعان
تستاهل الأفضل على كل الاعلام
الرياض وخزامى اهنئ وممنون
عيد على الافضل وعيد للاسلام
ما قلل بشان البقية ولا تهون
يا الله عساها دايم الدوم قدام
دايم رضا وابليس ملعون ملعون
سالم البشري الجبيل
هذي حقيقه يا عرب ما هي أوهام
فوز الرياض وفوزها كان مضمون
فازت على كل الجرايد والاعلام
والكل فيها كان مغرم ومفتون
وغيرك يتوج بس يمكن بالاعلام
وانت تسيري بخط واضح وموزون
ناصر الهلال
لو انتطلع في صحف كل الاعلام
نلقى بعضهن دايم دون في دون
وجريدة الرياض تمشي لقدام
هي تنشر الأخبار والناس يقرون
تستاهل التكريم عام وراء عام
والقايمين اللي عليها يجازون
شبيب بن هذال بن ونداك السبيعي
الرياض
أفضل جريدة رشحوها بالاعلام
ما ينحصون اللي لها دوم يقرون
متميزه دايم بأصدق خبرها
وأكبر دليل اللي لها دوم يشرون
نبارك لها بالفوز عام بعد عام
ونشكر جهود اللي عليها يقومون
جميل بن محمد العنزي
الرياض
معروف من يمشي على حسب النظام
كلن على فنه أو يتقن له فنون
أو يا أهل الجريد يا سلام.. أو يا سلام
فازت جريدتنا الرياض.. أو تسلمون
تستاهل.. أوسام.. الشرف.. والاحترام
أو بالفوز دايم.. يا عساكم.. تسعدون
نواف نايف هلال الحزيمي
الجمش
جريدتي تفوقت على كل الاعلام
هذي الرياض الي بها الفكر مفتون
فيها الخبر واضح يكتب بالأقلام
وقرائها زادو على مئة مليون
ما هي غريبة تفوز بكل الأعوام
ولها التهاني تزف اشكال وألوان
حمد عبدالله الوايلي
حوطة سدير
مبروك يا فايز على كل الاعلام
وإعلامنا الباقي على النهج يمشون
كل بذل جهده لما جدارها قام
بجهودكم صارت على ما تحبون
لا وصلت الفكره من عقول وأقلام
تلقا لها قراء لهم ذوق وفنون
عمر سالم البشري
نقول نفخر بالتقدم في الاعلام
خص الرياض اللي بها رجال يبنون
على الخليج الاوله والفخر دام
حازت على التقدير والكل يثنون
مسيركم يا هل الوفا دوم قدام
وسمعة وطنا لاجلها دوم تسعون
محمد بن عبدالعزيز الخنيفر
أشيقر
٭ أما بيت الشعر الذي اخترناه لكم فهو للشاعر شبيب بن هذال بن وندان السبيعي ويقول فيه:
يا جب على الرجال يحفظ عياله
لا يسهرون الليل وسط الشوارع
نرحب بمشاركتكم على الفاكس: 4871070 وأهلاً وسهلاً بالجميع.