يا ماحلا الذكرى في عصر الاجداد على المحبة والتصافي يسيرون في دورة العيشة ياما بها اجهاد ياما بها الاتعاب وأنتم تعرفون فيها التكاتف دايمٍ بين الاجواد هذي طبايعهم على الخير يمشون وحب التواصل بينهم دوم يزداد فيهم طهارة قلب للوصل يسعون محمد عبدالعزيز الخنيفر - أشيقر وجودي على الفرت المصندق حلال القوم مديله توقف وأصبح الفرت معدومي زمان الفروت اللي مضت كم ماجت اليوم عسى مالعوض في ددسنٍ تندته تومي يوم إن العرب في القارس ولا عليهم لوم وكلٍ يقضي حاجته وفق السلومي زمانٍ تغيّر وأصبح العلم كنه حلوم وكل السياير أكتروني ومنجومي مبارك محمد بن طرجم - الرياض شوفي زمانٍ فات يا عين شوفي مع البساطة تاجد البال مرتاح فرتٍ حمر كان الفيافي يحومي راعيه يجهم قبل ينشق الصباح وعن التكاسي كرّوْ والله لطوفي وبيوت طينٍ قاومت وقت.. ورياح سعود عائش الحربي - جدة يا سايق الحنتور أرفق معك ناس ناسٍ وغير الناس كان أنت مطفوق معك البنات وقدرها صلعة الراس تستاهل التقدير كان أنت ملحوق متجملاتٍ والشعر خوف ينحاس وأحذر تطيح وتدمره ريغة السوق عبدالكريم النغيمشي - لوذة يا مصور السج للقافي بوقتٍ مضى وجدد اخباره فرتٍ على وقفته طافي راع الجحش شال مشواره ياما بدا كل مشرافي مع سايقه يلفلف الطاره بعدٍ على البعد ينشافي لاروّح عصير وغباره شجعان المقاطي - الرياض صورة قديمه شفتها بالجريده فرتٍ مضى له ممكن أربع وستين فوقه حنايا والحنايا جديده مقطورةٍ جنبه وتسحب بحبلين تقضي لزوم الناس بأول قديمه كم واحدٍ يذكر زمانه وهالحين الهاف صار اليوم ذكرى نعيده منظر تراثي باقينٍ مدة سنين عبدالمحسن محمد المحيسن - رياض الخبراء صورة قديمة له على القلب تذكار توضّح الماضي وتبين ظروفه في شوفها تجعل الكل يحتار موتر وقاري يعجب اللي يشوفه ويطيب لي في شوفها قول الأشعار وقت الشقاء في ما مضى والكلوفه وأجدادنا عانوا التعب وقت مشوار وفي شوفة الأحباب دايم شغوفة ريان محمد الخنيفر - الرياض الفرت الاحمر واقف جنب عطلان راح الزمان اللي يواصل مسيره صوره قديمه والزمن فيه عنوان مبطي على وجه الأمور العسيره والقاري اللي ماسكٍ خط ميدان ومحمّل الرّكاب من كل ديره أحلام مرّت واكبت طول الازمان سادت وبادت وانتهت من أثيره حمد عبدالله الوايلي - حوطة سدير يا زين وقتٍ فات وقت البساطه في حياة الأمس ذكرى قديمه الناس عاشوا في فرح وانبساطه وقلوبهم دايم قلوبٍ رحيمه والصبح كلٍ قام يجدد نشاطه الرجل وعياله ومعهم حريمه سلطان أحمد العضيدان - الغاط نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] أو الفاكس رقم: 0114871070 ويا هلا.. صورة العدد السابق
