راح عمره ما بقى إلا ذكرياته

ضايع من كان همه في حياته
كيف يشبع رغبته بأية وسيله
ما يهمه ليه والاكيف جاته
ماتهمه مخطيه والادليه
المهم يعيش لحظة لشهواته
لو من الحسنات ما عنده حصيله
في طريق الشر ياسرع انفلاته
وان عرض له خير ماياخذ سبيله
مايرد الخير في كل حركاته
ما مشت رجله على درب الفضيله
عايش بدنياه ما همه مماته
مادري وش تالية عمره يجيله
غرته دنياه مع كثر امنياته
يحسب انه بالهنى راعي طويله
راح عمره مابقى الاذكرياته
لاتذكر ماذكر غير الفشيله
ماذكر ربه ولا صلى صلاته
ضيع اوقاته على درب الرذيله
حافظ ماله ولايدفع زكاته
مادرى انه يحفظه للي يشيله
ماحفظ دينه ولادور نجاته
مثل هذا بالسعد وش ترتجيله
ضايع خسران من هذي سواته
كان مالله ساعده مافيه حيله
رابح من كان همه في حياته
كيف يرضي خالقه باية وسيله