لاتجرحونه

لا تجرحونه يكفي انتم عذابه
خلوه يسلي في حياته ويرتاح
يكفيه هم في عيونه شقا به
متى يزول الهم عنه وينزاح
خلاص ما فاد الملام وعتابه
وش فايدة تجريح قلب لكم باح
بأسبابكم طوّل عشيرة غيابه
لا لا تزيدونه عنا كله جراح
خلٍ بها الدنيا رضى في كتابه
كان بحياته كل شي والأفراح
عسى مع الأيام يبري صوابه
تصفا له الدنيا فرح عقب الأتراح
مهما شكا لا شك ماأحدٍ درى به
شكواه للي عالم سر الأرواح
حب الشرف ما به ظنون وغرابه
دام النوايا الطيبة شرع وإصلاح
راع الهوى مغبون ضايع شبابه
بالذات لا خاب الرجا كيف يرتاح
إبراهيم بن محمد التميمي