ياشيخنا يما حلا عصبة الرأس باين عليك الطيب والجود حلّي شب الحطب دخانه ازرق تقل ماس وجهّز زهابه مع مراكي .. وزلّي الدلّة السودا تقل صقر قرناس منقراها معكوف مثعب يزلي هيله يدقه بالنجر نجره نحاس وإن جاه ضيفٍ قام يرحّب يهلّي عبد العزيز الصالح - القصب بديعة الصوره مثل رسم رسام تحاكي الماضي على واقع اليوم يوم الكرم والطيب والعهد الاسلام مجدٍ عظيم ومجلس رجال وعلوم والعود صامد يضرب النجر مكرام حب الكرم واضح ولاهوب مليوم ويالله عسى الطيّب عسى عمره أعوام وألا الردي خلّه عسى فاله القوم حمد عبدالله الوايلي - حوطة سدير شب نارك يا عميل الخير شبّه ودق نجرك لأجل ربعك يسمعونه يسمعه من هو بقلبك له محبّه والكرم راعيه دايم يعرفونه قدر ضيوفك .. قدر من تحبّه ولا لفا الطرقي لزومٍ تكرمونه محمد عبدالعزيز الخنيفر - أشيقر دلّه مع الملقاط والثالث نجر مع لهيب النّار والمسكن نسيج وراعي المنزل يقوم من الفجر يبهّر الدلّه والخاطر بهيج طبع أهلنا من سدير إلى هجر عادةٍ قاموا بها أهل الخليج خالد ناصر المخيمر - روضة سدير ولّع هشيم السمر يا راعي الشبّه بوجار والبن يحمس فوق محماسه راعيه يفرح لمن عنى يمّه وطبّه يلقى مهيّل مسكن من شكى راسه ذكرني باللي تعزّ الضيف وتحبّه مقشّمة هيل تشري الكيف بأكياسه سعود عبدالعزيز الهزاع - نعام يا زين دق النجر لاحل لك ضيف والنّار شبّه قرّب الشاذليّه مع النشامى كم تزين السواليف مع الرجال أهل القلوب النقيّه في مجلسٍ فيه الوجيه المواليف وراعي الكرم يفرح بجيت خويّه ريان محمد الخنيفر يا حمود دنّ النجر دنّه يجلب هل البن والكيفي بالبرد ولاّ على الكنّه ودلال بالبيت للضيفي وياما حلا للشقح حنّه والبرق يبرق .. وينشافي سعود عائش الحربي – جدة الدلّه اللي على المجمار والهيل بالنجر مدقوقي النشمي اللي يشب النّار مع ريحة الكيف له ذوقي والربع دايم معه حضّار بالطيب ما هوب مسبوقي عبدالكريم عبدالرحمن السلّوم – القرائن الشيب ضيفٍ زارني وين أوديه أبا من العراف جملة نصايح الضيف أهلنا قبلنا تعتني فيه وليا رفضت الضيف عيب وفضايح هات الدلال وقرّب النجر ندعيه ندعيه وندعي الوجيه الفلايح بدر الحزيمي المنظر اللي بان ماهوب وقته حتى ولو حوله وجار وقهاوي والله ماكنّي بهاليوم شفته مما جرى ماهيب قولت هقاوي صحيح منظر بس ذا اليوم عفته الكبد مكويه ولا به مداوي مرحوم ياشيخٍ عظيمٍ ولفته قلبي على فرقاه ماهوب قاوي عثمان إبراهيم الرشيد - الرياض صورة العدد السابق نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] أو الفاكس رقم: 0114871070 ويا هلا..
