ماني على خبرك

ماني على خبرك .. تراني تغيرت
ما كل رجل ن يستحق اهتمامي
الرجل منّا ..عشرته جلّها كرت
واذا احترق يعني عليه السلامي
قد لي على فرقا الحبايب تحسرت
ولا وصلت ذيك المشاعر كلامي
دورت فيهم كثر ما قيل دورت
بغية..ولكن ما وصلت ل مرامي
مديت يدّي وبالمراجل تشكرت
واسخيت روحي في عظيم احترامي
ولحظة.. بهالصحبة سهيت وتدبرت
لقيت بعض اللي يشرف مقامي
يمكن اقلّة لكن انّي تكاثرت
ابرك من اللي كثرته بنعدامي
على الردي ما يوم والله تحيرت
وكم رجحت سود الليالي زمامي
كان العفن فرقاه يعني تكبرت
فنا متكبر من تكبر عمامي
ماهو شرف مير الشرف لا تنكرت
من ينكر العشرة ويرمي عظامي