الليل هذا مثل ليل العيد

قبل شهر رمضان الليل هذا مثل ليل العيد
عسى ربي يطول عمر من نمشي على نوره
تهرج يا احمد الناصر وصك الحيد جنب الحيد
ولا تزعل على مستور والاحوال مستوره
احمد الناصر
اظن العيد عيد للجميع مبارك وسعيد
وهذي عادة ما تختلف لعيال اخو نوره
عسى من قاد راسك يالثبيتي ما يفيد الفيد
ترا مستور اخوي ورفقته في القلب مبذوره
مطلق الثبيتي
ترى عقل ابني آدم يا احمد الناصر سواة القيد
يخلي السر دايم صرة في الجيب مصروره
نسيت الفقه والتوحيد والتفسير والتجويد
بعد عودت معهم كل يوم تلعب الكوره
احمد الناصر
تهرج يالثبيتي انت ابو ما تشتهي وتريد
وليا ضيعت دربك نزهدك في راس باكوره
تكايدني واناخابرك رجال تحب الكيد
جوازك للسفر ما فيه توقيع ولا صوره
مطلق الثبيتي
عطوك البندقية مار ياجعلك تصيد الصيد
دلها روحين صار البندقة ما هيب ممهوره
يجيبون الدوا للعود يبونه يصير وليد
وليا شافوه يعرج بين اهل رابغ ومستوره
احمد الناصر
تشوف اللي قريبه يالثبيتي ما تشوف بعيد
سواة التاجر اللي في البحر غرقان بابوره
اظن الفقع في جنب الرقه والعلم بالتأكيد
ولو ما تحسن اللحية لقيت البيض منثوره
مطلق الثبيتي
انا ما ابغاك تمشي فالدروب العوج يا بوزيد
ولا يطرحك درهام الجمل فالارض عنكوره
انا با خذك بالمعروف وانت العم وانت السيد
رجاجيل الجميلة بين كل الناس مشهورة
احمد الناصر
تهددني ولايزمل عميلك راعي التهديد
واخبر الناس يا رجال منهية وما موره
نبي نرضيك يا رجال والميت عساه شهيد
وعقب اقرا عليك العاديات من أول السورة