أنا المواطن ” ساهر المرئي “

قدَر الله علي وحصل لي حادث في طريق خريص في الرياض قبل اربعة اشهر وجلست ” ست ساعات ” انا وعيالي في السيارة ننتظر المرور ، وتدرون زحمة الرياض وحر الرياض . وفي الاخير جت سيارة برتقالية يسمونها ” نجم” ،كتب كم وريقة وراح ، وقال راجعوا المرور والتامين ، ومن هاك اليوم وانا رايح جاي بين “ذولا ” وذولاك .. لانيب اللي أخذت حقي ولا هوب اللي صلحوا سيارتي .. مليت من كثر المراجعات والاستئذان من الدوام كل يوم اقول لمديري بروح المرور حتى حسيت انه يقول لي كذاب ..معقوله ما خلص موضوعه ..؟؟ لا والخافي اعظم صار علي عشر مُخالفات مرور
في الاخير ” إنقردت ” وتسلفت وتدينت واخذت قرض عشان اصلح سيارتي واسدد ديوني والمُخالفات وانتظر رحمة الشركة تعطيني فلوسي !!
اذا بغيت تدعي على احد قل له ” عساك تراجع المرور أو يصير لك موضوع عند المرور او شركات التأمين ..!؟
التوقيع :