محاورة

عبدالله العلاوة
سلام الله سلامٍ فيه من كل المعاني ذوق
من المعزوم للعزام في داره ومنزاله
يزول الباس ومعافى ياعبدالله يا بن مرزوق
عساها مغفره للذنب وابن آدم هذا حاله
عبدالله بن مرزوق
هلا من خاطرٍ يشتاق لظروف الكرامة شوق
وعبدالله سمي واللي على بالي على باله
عسى الله مايضرك في صديق ولا تشوف العوق
وابن مرزوق راضي دامت أن الله كتبها له
عبدالله العلاوة
بقيتوا يابني سفيان حنا في أول الطاروق
يابو سفيان عبدالله سميك ما هو لحاله
سمعت الرعد لانوٍ يشاف ولا نشوف بروق
وأنا مدري عن اليبان يمكن صوت زلزاله
عبدالله بن مرزوق
أنا ماهمني غير انت يامطرود ياملحوق
بني الحارث ونعم اهل الوفاء حماية القاله
انا مثلك سمعت اللي حصل من مصدرٍ موثوق
لكن اخذ الحذر والبحر لا تاقف على جاله
عبدالله العلاوة
ترى زهران منا يا شبابه لو يصير حقوق
وسال محمد الزهراني اللي جالس قباله
عليك حماية جبال الشفا من تحت حتى فوق
وانا بحمي قيا وابحتمي ميسان وجباله
عبدالله بن مرزوق
تحياتي على حسني مبارك والملك فاروق
وعندي بعدها كلمة تخص العود وعياله
تقول السر في صدري واقول السر في صندوق
وانا مثلك نويت احمي يمين الدار وشماله
عبدالله العلاوة
هذاك جنازته دفنت وهذا في جسد مخلوق
وشرهتنا على اللي جاك به من مصر مشتاله
مادام المال في جيبي والأشياء كلها في السوق
ريالي فادني يوم البعض ما فاده رياله
عبدالله بن مرزوق
بدينا وانتهينا لا زبيديه ولا رقروق
وشرهتنا على الجوال قبل يشوش إرساله
ياعبدالله تبا تسمع سوالف بنها محروق
لكن ابشر وبشّر والسعد مطروح معداله
عبدالله العلاوة
الا يالشيخ عبدالله ترى اللي صار فيه فروق
عن اللي صار والمجرم ما حد جازاه ب اعماله
بعد ما جاتك الأخبار عن عاتق وعن معتوق
ترى عاتق قضى نحبه ومعتوق انتحرا له
عبدالله بن مرزوق
ألوم اللي يلوم معمر القذافي المزنوق
زعيم المرجلة وأول بطل سمعته بطاله