تغريدات

يفداك ماضاع واللي في طريق الضياع
ويفداك كل ماغرسته في رجاك وربا
أنا ب اسميه طيب وتضحيه واقتناع
وماهمّني لو تسميه العواذل غبا
خميس الأسلمي
جتني كذا من وين ما أدري
مدت يديها لين ما طالت
جرت خفوقي من ورى صدري
واتجمعت دمعة ولا سالت
عبدالله البكر
مضغك حيرة .. تلفظك للسهر/ ناب
تصرخ خلاص .. يردد الحزن : باقي
وتحس كن الليل شاحب ومرتاب
ترقا لصبحه..تنخذل لك مراقي !
فهيد العديم
لا تعذّر عقب هذا الغياب الطويل
خلّ عينك تسولف لي عن علومها
ودّي أسمع حديث الممكن المستحيل
لحظة أعتب عليك، وتمطر، غيومها
نواف التركي